Бүгін 09.06.2025ж колледж басшысы З.Е.Шолтанова техникалық және кәсіптік, орта білімнен кейінгі білім беру ұйымдарының педагогтері арасында өткен халықаралық және республикалық кәсіби шеберлік конкурсының жеңімпаздарымен кездесті.
Кездесу барысында Семей қаласында, 27.05.2025-30.05.2025 күндері аралығында техникалық және кәсіптік, орта білімнен кейінгі білім беру ұйымдарының педагогтері арасында өткен республикалық кәсіби шеберлік конкурсына құрылыс саласы бойынша қатысып, 2-ші жүлделі орынға ие болған арнайы пән оқытушысы Шарапиев Айдынды, Алматы қаласында 27.05.2025-30.05.2025 күндері аралығында «Құрғақ құрылыс және сылақ жұмыстары» құзыреттілігі бойынша Қазақстанның барлық өңірлері, Қырғызстан, Өзбекстан, Тәжікстан Қырғыстан және Монголия мемлекеттері арасында өткен халықаралық кәсіптік шеберлік чемпионатына қатысып, 3-ші жүлделі орынға ие болған өндірістік оқыту шебері Нұрқожа Қуанғалиды жетістіктерімен құттықтап, олардың кәсіби біліктілігі мен еңбектегі табандылығын ерекше атап өтті. Бұл жеңістер – тек жеке жетістік емес, білім ордасының абыройын арттырған үлкен жетістік екені айтылды. Жеңімпаздарға алғыс білдіріп, алдағы шығармашылық жолдарына сәттілік пен шабыт тіледі.