Таза Қазақстан
Маңғыстау облысы табиғи ресурстар және табиғат пайдалануды реттеу басқармасының ұйымдастыруымен өткен «Таза Қазақстан» экологиялық акциясы аясында «Қаракөл» көлінің аумағында сенбілік жұмыстары өткізілді. Аталған шараға колледждің белсенді еріктілері қатысып, табиғатты қорғау ісіне өз үлестерін қосты.
Сенбілік барысында көл жағалауын тұрмыстық қалдықтардан тазарту жұмыстары жүргізілді. Еріктілер аумақтың тазалығын сақтаудың маңыздылығын насихаттап, тұрғындарды табиғатқа жанашырлықпен қарауға шақырады.
Мұндай экологиялық шаралар жастардың табиғатқа деген жауапкершілігін арттырып, туған өлкенің тазалығын сақтауға бағытталған игі бастамалардың бірі болып табылады.