Таза Қазақстан
Ағымдағы жылдың 4 сәуір күні Маңғыстау облысының табиғи ресурстар және табиғат пайдалануды реттеу басқармасының ұйымдастыруымен «Таза Қазақстан» экологиялық акциясы аясында өткен сенбілікке колледж қызметкерлері белсене қатысты.
Шара барысында белгіленген аумақта тазалық жұмыстары жүргізіліп, тұрмыстық қалдықтар жиналды, айнала абаттандырылды. Қатысушылар қоршаған ортаны қорғау, табиғатты аялау және тазалық мәдениетін қалыптастырудың маңыздылығын тағы бір мәрте көрсетті.
Осындай игі бастамалар ұжымдық бірлікті нығайтып қана қоймай, туған жердің көркеюіне, экологиялық жағдайдың жақсаруына өз септігін тигізеді.