Халел Өзбекғалиев атындағы маңғыстау жоғары политехникалық колледжінде ағымдағы жылдың 26 мамыр күні колледж кітапханашыларының ұйымдастыруымен “ Оқуға құштар колледж ” жобасы аясында “ Оқу зиянды емес, оқымау зиянды! ” атты флешмоб өтті.
Іс-шараның мақсаты — жастар арасында кітап оқудың маңыздылығын насихаттау, оқу мәдениетін қалыптастыру және білімге деген құштарлықты ояту.
Оқу — ойды тереңдетеді, санаға сәуле түсіреді, тұлғаның жан-жақты дамуына жол ашады.
Флешмоб барысында студенттер сүйікті кітаптарымен бөлісіп, оқуға шабыттандыратын сөздермен ой тастады.