WorldSkills өмірді қалай өзгертеді

WorldSkills Podcast

Бір маманның тарихы: WorldSkills өмірді қалай өзгертеді

Х. Өзбекғалиев атындағы Маңғыстау политехникалық колледжінің өндірістік оқыту шебері – Болатұлы Айқабыл.

WorldSkills республикалық чемпионатының қола медаль иегері.

Бұл подкастта сіз өз ісіне шынайы берілген маманның өмір жолымен танысасыз. Айқабыл Болатұлы – тек білікті шебер ғана емес, сонымен қатар жас мамандарға бағыт-бағдар беріп, олардың кәсіби қалыптасуына үлес қосып жүрген ұстаз.

WorldSkills қозғалысына қатысу оның өміріне үлкен өзгеріс әкелді. Бұл тек жарыс емес, бұл – өз мүмкіндігіңді сынау, кәсіби шеберлікті жаңа деңгейге көтеру, халықаралық стандарттарға сай білім мен тәжірибе жинау алаңы. Осындай мүмкіндіктердің арқасында ол өз саласында биік белестерді бағындырып, республикалық деңгейде жүлделі орын иеленді.

Подкаст барысында:

мамандық таңдаудағы алғашқы қадамдары,

жетістікке жету жолындағы қиындықтар мен тәжірибелері,

WorldSkills чемпионатының берер мүмкіндіктері,

жас мамандарға берер ақыл-кеңестері жайлы тыңдай аласыз.

Айқабыл Болатұлының оқиғасы – табандылықтың, еңбекқорлықтың және өз ісіне деген сүйіспеншіліктің айқын көрінісі. Оның жетістігі – тек жеке жеңіс емес, сонымен қатар білім мен еңбектің құндылығын дәлелдейтін үлгі.

Сұқбат алушы — Пояркова Полина ВІМ-24-01с студенті.

Бастама инициаторы -Казиева Майра

Сценарист — Өтеген Мереке Ибадуллақызы Арнайы пән оқытушысы.

Тыңдаңыз, шабыт алыңыз, өз жолыңызды табыңыз!

Бүгінгі кейіпкеріміздің тәжірибесі сізге жаңа мүмкіндіктерге жол ашары сөзсіз. 

•