Колледж студенттеріне әлемдік тәжірибе алуға жаңа мүмкіндік......
Мемлекет басшысы Қасым-Жомарт Кемелұлы Тоқаевтың 2025 жыл «Жұмысшы мамандықтар жылы» деп жариялап, бұдан әрі жұмысшы мамандықтарының жылын өткізу жөніндегі іс-шаралар жоспарын бекіту туралы Қазақстан Республикасы Үкіметінің қаулысынның бір қадамында «ТжКБ-ны интернационалдандыру: бірлескен бағдарламаларды одан әрі іске асыра отырып, шетелдік колледждермен халықаралық әріптестікті дамыту» деп көрсетілген негізде, Оқу-ағарту министрлігі «Talap» КЕАҚ бастамасымен, «Global Sapa» халықаралық академиясының ұйымдастыруымен, 2025 жылдың 15–22 маусым аралығында Оңтүстік Корея Республикасының Сеул қаласында және басқада аймақтарында «Кәсіби білім беруді жаңғырту: жаңа буын басшыларына арналған Оңтүстік Кореялық тәжірибе» тақырыбында халықаралық біліктілікті арттыру бағдарламасына колледж басшысы және басшы орынбасары қатысуда.
Халықаралық біліктілікті арттыру бағдарламасының негізгі мақсаты: Кореяның жетекші университеттері мен колледждері арасында ынтымақтастықты бекіту, сонымен қатар заманауи өндіріс орындарына барып, техникалық және кәсіптік білім беруді цифрландыру, кадрлар даярлаудың заманауи құралдары және білім беру ұйымдарын басқарудың оңтайлы тәжірибесімен танысу.
Бағдарламаның бірінші күні қатысушылар Кореяның жетекші университеттерінің президенттерімен кездесті. Кездесуде Оқу-ағарту министрлігі «Talap» КЕАҚ президенті С.Татибеков Қазақстандағы техникалық және кәсіптік білім беру жүйесін дамыту үшін қос диплом бағдарламасын жүзеге асыру, қазіргі заманауи шеберханаларды құру, AI, AR/VR технологиялық плотформаларды дамыту, білім алушылардың шетелден тәжірибеден өту бағдарламалары мен академиялық ұтқырлықты жолға қою және кәсіпорындармен колледждердің бірлескен филиалдарын ашу бағытында Кореяның жетекші оқу орындарымен жұмыс жүргізетінін атап өтті. Осы орайда , Халел Өзбекғалиев атындағы Маңғыстау жоғары политехникалық колледжі, «Global Sapa» халықаралық академиясы және Білім беруді интернационалдандыру мәселелері бойынша Корея колледждері мен университеттерінің қауымдастығы арасында 3 жақты келісім – шартқа қол қойылды.